Веселин Марешки, лидерот на бугарската партија „Волја“ која има 12 пратеници во парламентот, во интервју за БТВ убиството на Петар Христов кој беше советник во владата и истакнат бизнисмен го оцени како закана на криминалните кругови за европското претседателство на Бугарија која ја „преземе“ унијата во првите шест месеци од годинава.

Марешки исто така присуствувал и на советот за безбедност свикан од бугарскиот претседател Румен Радев на кој побарал да се вложат повеќе пари во внатрешната безбедност, а не во вооружување.

„Консултативниот совет помина контруктивно, но не беше едноставен. На него се говореше само за парите за зголемување на вооружувањето. Ние во нашата партија сме пацифисти и не сакаме да говориме за војни“ истакна Марешки.

Марешки вели дека слабо го познавал Христов и дека не се плаши за својата безбедност. Марешки e исто така еден од бугарските богати бизнисмени кој се вмеша во политичките води.