Делегација на малезиски стопанственици во текот на годинава ќе ја посетат Македонија со цел да се запознаат со условите за инвестирање и за соработка со македонските компании.

Ова е начелно договорено на средбите што во Куала Лумпур ги оствари директорот на Агенцијата за странски инвестиции и промоција на извозот Висар Фида со претседателот и потпретседателот на Малезиската стопанска комора. На состаноците присуствуваше и македонскиот промотор во Малезија, Тони Атанасовски.

Средбите се реализирани на маргините на 2-от Глобален самит за слободни економски зони што се одржува во Куала Лумпур, а на кој учествува Висар Фида.

Во Малезија, директорот на Агенцијата и промоторот во Малезија остварија средби и со владини претставници и неколку малезиски компании од областа на електрониката, инфраструктурата и логистиката.