Македонски телеком ќе подели дивиденда во износ од 1,4 милијарда денари, информираа од оваа компанија преку страната на Македонска берза.

Бруто износот на дивиденда по акција е 17,09 денари или вкупен (бруто) износ од 1.474.683.110,00 денари.

Согласно одлуката на оваа компанија сите акционери, кои се евидентирани во Книгата на акционери на Македонски Телеком АД – Скопје на 06.05.2016 година, имаат право на дивиденда за 2015 година.

 Последен ден на тргување со право на дивиденда за 2015 година е 03.05.2016 година, додека прв ден на тргување без право на дивиденда за 2015 година е 04.05.2016 година а исплатата на дивиденда за 2015 година ќе се изврши на 26.09.2016 година

Исплатата на дивиденда кон физички лица - резиденти на Република Македонија, ќе се врши преку сите експозитури и филијали на Стопанска банка АД - Скопје.