Македонски шуми купува палми. Палмите чинат половина милион евра. Односно, според официјалните документи, вредност на склучениот договор во кој е пресметан и ДДВ изнесува 32 148 121 денари. Според податоци ЈП Македонски шуми набавиле 1.100 садници – односно палми од видот Trachycarpus fortunei. При тоа е појаснето дека станува збор за влакнеста палма со височина на стеблото над 400 сантиметри Во договорот доставен до Бирото за јавни набавки е наведено дека Јавното претпријатие Македонски шуми, склучило договор со Друштво за производство,трговија и услуги РОССЕН ЦЕНТАР ДООЕЛ експорт-импорт с.Стримница,Желино за набавка на палми. На аукцијата биле доставени две понуди, а избрана била најниската. При тоа во временската рамка е напишано дека времетраење на договорот со избраната фирма е за период во месеци: 12 или се планира да започне од 22.12.2014.