Попустите се најчестите причини поради кои граѓаните ќе се излажат да излезат од дома и да се подноват со ново парче облека.

Викендов што е зад нас беше „Black Friday“ викенд. 

На излозите ширум големите трговски центри можеа да се видат разни рекламни плакати: „Време е за акција“, „-20% попуст на цел асортиман“, „30% попуст“ - голем број намалени производи,  „Black Friday“ викенд до 40%,  „Black Friday“ - 30% ,  „Попуст од 30 до 70 отсто“, кои ги примамуваа граѓаните да влезат .

Шетајќи низ продавниците можевте да слушнете и купувачи од Црна Гора, Србија, Грција кои слушнале за попустите па решиле да видат колку е „евтино“ во Македонија.

Колку се реални навистина овие попусти?

Оние кои ги  анкетиравме велат дека најчесто купувале на попуст. Некои пак сметаат дека овај попуст што го има низ продавниците не е реален, кој како што велат за разлика од светските трговски центри, ако има објавено попуст од 50% тогаш навистина тој попуст е толку.

„Купувам на попуст, но сметам дека не е реален, вели една Скопјанка која често патува и раскажува дека кај нас не се попустите како на запад, таму се знае што е на попуст и тој е реален, ако пишува на половина цена, тоагаш производот е на половина цена.

„Кај нас сметам дека не е така, онаму каде што пишува „се на половина цена“, таа е всушност реалната цена на производот, вели граѓанин.

Трговците пак велат дека сезонските и попустите како „Black Friday“ им ја зголемуваат продажбата од 30 до 50%.

Продавниците кои ги посетивме во Скопските молови не нудеа огромни попусти колку што некои очекуваа. Оттука и сфатливо е зошто Американците се тепаат на секој  „Black Friday“.

Колку се почитува Законот за заштита на потрошувачи ?

Оние подобро упатените знаат дека Законот има точни правила што значи распродажба.

Означувањата што упатуваат на распродажба, односно на намалување на цените, независно од тоа дали намалувањето е изразено во износ или процент, треба да бидат реални и вистинити и мора да бидат изразени на еден од следниве начини :

-со наведување на новата цена покрај видливо прецртаната
претходна цена , или
-со наведување на зборовите” нова цена” и”стара цена”, или
-со наведување на процентот на намалување на цената и
наведување на новата цена покрај видливо прецртаната
претходна цена, или
-со наведување на процентот на одобреното намалување
за секој одделен производ или услуга или за секоја наведена
категорија производи или услуги.

Како претходна цена од ставот 1 на овој член се смета цената која трговецот ја применувал 30 дена пред рекламирањето на распродажбата на производите. Процентот на снижувањето на цената што е објавен во распон, мора да се однесува најмалку на една петтина на сите производи што се на распродажба.

Прашање е колку кај нас трговците го почитуваат законот за заштита на потрошувачите за распродажба?

И.С.