Македонска берза ќе го прекине времено тргувањето со акциите на Реплек откако вчера мнозинството акционери не ја изгласало работата на Управниот и на Надзорниот одбор на Компанијата со што сменети се од позицијата и Иван Туџаров и останатите менаџери на компанијата.

Фактор дознава дека додека нема информација од компанијата берза нема да дозволи да се тргува со овие акции. Тргувањето почна во 10 часот а информациите од берза ги добивме неколку минути претходно.

Mнозинството акционери, предводени од Душан и Владимир Пецовски вчера на Годишното Собрание на акционери на Реплек АД Скопје, изгласале недоверба на сите членови на Управниот Одбор и на Надзорниот Одбор на компанијата.

Согласно Член 363 и 384 од Законот за Трговски Друштва, со неодобрување на работата на одборите, сите членови вклучувајки ги и Иван Туџаров, односно Претседателот на Управниот Одбор (Генералниот Директор на Реплек АД), како и Претседателот на Надзорниот Одбор се истовремено разрешени. 

Сите активности, дејствија и овластувања се замрзнати се додека не се назначи нов Управен и Надзорен одбор, на продолжената седница на Годишното Собрание на Акционери во рок од 8 до 15 денови.

Фактор има и други детали кои ќе ги објавиме наскоро