Македонка создала голем синџир на проституција во тууската престолнина откако преку интернет примамувала млади девојки од Куба на кои им ветувала дека ќе ги ангажира како танчерки во турските клубови и дискотеки за многу високи хонорари. Сепак, девојките откако биле примени веднаш биле поробувани со цел сексуално да бидат експлоатирани.

По доаѓањето во Турција, на Кубанките веднаш им биле одземени пасошите  и ги сместиле во квартот Улус во турската метропола. Кубанките биле проституирани цели два месеци.

Македонката организирала автомобил кој секоја вечер ги земал девојките од хотел и ги носеле кај претходно договорените клиенти, потоа ги враќале до квартот и ги затворале повторно во хотелот. 

Мрежата е разбиена откако една од Кубанките успеала да избега и да го пријави случајот во амбасадата на Куба во Анкара каде побарала засолниште.

Девојките се вратени во Куба а менаџерката од Македонија е во притвор.