Сите значајни балкански медиуми известуваа за аферата прислушување што влера ја обелодени лидерот на опозицијата Зоран Заев. Во Србија опширно се известува од прес конференцијата на СДСМ каде беа обелоденети снимки од прислушувани разговори, во кои спред СДСМ освен опозицонери биле следени и министри, како и водачите на албанските партии. Медиумите пишуваат дека биле следени 20.000 луѓе. Хрватските медиуми известуваат дека станувало збор за масовно прислушување, во кое биле слушани речиси сите луѓе кои имаат допирни точки со политиката, медиумите, бизнисот, верските заедници. Аферата најде свое место и во босанските, бугарските, словенечките медиуми. Со слични написи излегоа и новинската агенција Ројтерс и Новинската агенција Асошиетед прес.  Двете агенции јавуваат дека со ова се продлабочува политичката криза во земјата.