Според податоците на Државниот завод за статистика, бројот на туристите во февруари 2016 година изнесува 32 467, а бројот на ноќевањата изнесува 72 385.

Бројот на туристите во февруари 2016 година, во однос на февруари 2015 година, е зголемен за 9.2%, а бројот на ноќевањата пораснал за 16.2%.  Бројот на домашните туристи во февруари 2016 година, во однос на февруари лани, е зголемен за  17.6%, а бројот на странските туристи е зголемен за 4.9%.  Ноќевањата на домашните туристи во февруари 2016 година, во однос на февруари минатата година се  зголемени за 19.8%, а бројот на ноќевањата на странските туристи е зголемен за 13.9%. Најмногу туристи имало во главниот град, а потоа следуваат другите туристички центри и езерата.