Македонија заедно со три соседни земји ќе се бори против тероризмот.

Нашата земја заедно со Србија, Албанија и Косово ќе ја интензивираат соработката и размената на податоци за борбата против тероризмот и организираниот криминал.

Ова е договорено на денешната регионална конференција што се одржува во Скопје во организација на Бирото за јавна безбедност со посредство на Мисијата на ЕУЛЕКС на Косово. Тероризмот и организираниот криминал претставуваат глобален проблем и закана, беше кажано на настанот.

„Терористичките напади коишто се случија во Франција, Турција и во Германија и кои предизвикаа голем број човечки жртви и огромна материјална штета претставуваат јасни индикатори дека овој феномен мора да се решава на глобално ниво“ - вели шефот на Мисијата на ЕУЛЕКС на Косово, Оливер Хофман.

Додава дека треба да се идентификуваат начините за побрза размена на информации.

За заменик-директорот на Бирото за јавна безбедност Бесир Деари, тероризмот и организираниот криминал се закани кои ги засегаат и државите од Западен Балкан и за кои треба да се воспостават ефикасни механизми за размена на податоци.

„Ова е прва конференција од овој вид. Идејата е секоја земја учесник во иницијативата, по пат на ротација, да организира ваква средба со различни теми на дискусија“ - кажа Деари.

Наредната конференција од ваков тип  на која четирите земји ќе разговараат за теми од организираниот криминал и тероризмот ќе се одржи на Косово.

Во изминатите година дена проблемот со тероризмот како глобална закана се актуелизира.

Нив Европа повеќе напади имаше во Франција и Германија.