Хрватската влада значително ќе го забрза планираниот прекин на користењето термо енергија од јагленот, односно откажување од употребата на фосилно гориво ќе се случи во периодот меѓу 2030 и 2035 година. Новиот рок за „фазно исфрлање“ на јагленот во своето обраќање на големата климатска конференција COP26 во Глазгов, Шкотска, го објави премиерот Андреј Пленковиќ, пишува Јутарњи.

Задавајќи си планиран рок за фазно укинување на употребата на јаглен, Хрватска всушност се приклучи на доминантниот тренд меѓу развиените земји, особено земјите-членки на ЕУ, каде што напуштањето на горивото се смета за клучен прв чекор во борбата за радикално намалување на емисиите на јаглерод диоксид и спречување климатски промени.

Според Меѓународната агенција за енергија (ИЕА), јагленот се користи околу 40 отсто од глобалната побарувачка на електрична енергија и генерира околу 46 отсто од глобалните емисии на јаглерод диоксид. Во текот на изминатата година, голем број европски земји преземаа слични рокови. Шпанија и Македонија ветија дека ќе престанат да користат јаглен до 2030 година, Романија до 2032 година, Црна Гора до 2035 година и Бугарија до 2038 година. Германија, каде што околу една четвртина од потребите за електрична енергија се покриваат со електрани на јаглен, планира да престане да користи јаглен до 2038 година.

Хрватска, пак, досега немаше јасно дефиниран законски рок за прекин на користењето на јагленот, но од сегашната национална стратегија може да се прочита дека не се планира користење на овој извор на енергија по 2040 година.