Скромен економски раст ќе има Македонија годинава. 

Според прогнозите на Европската комисија за движењата на македонската економија, ќе имаме раст од два проценти годинава, а идната 2024 година тој ќе изнесува 3,1 отсто.  Во рамките на пролетната економска прогноза е наведено дека по делумното закрепнување од рецесијата предизвикана од Ковид-пандемијата, годишниот раст на БДП забави од 3,9 проценти во 2021 на 2,1 процент во 2022 година.

Врз економијата се одразиле намалената надворешна побарувачка, прекините во глобалните синџири на снабдување и растот на глобалните цени на храната и енергијата. Негативните надворешни влијанија се очекува да се намалат. Дефицитот на тековната сметка минатата година значително се зголемил поради наглиот раст на цените на енергијата и зависноста од увоз. Значителното зголемување во приватните трансфери и суфицитот во услужната дејност, потпомогнат од закрепнувањето на туризмот, делумно го компензирале влошувањето во трговијата со енергија.

Народната банка за оваа година проектира економски раст од 2,1 oтсто, а просечната инфлација ќе биде во интеврал од 8 до 9 отсто. 

foto freepik.com/creativeart