Македонија деновиве испратила барања до повеќе земји членки на ЕУ за материјал кој е потребен за заштита на границата.

Европскиот портал Еурактив дошол до списокот во кој Македонија бара машини и материјал за изградба на ограда од 300 километри на јужната граница како и камп за 400 луѓе.

Во списокот испратен до некои земји членки, Македонија бара опрема за контролирање на маса народ и месечни трошоци за персонал, возила и техничка опрема за речиси цела армија.

Во Анексот 4 пак, насловен “Опрема за контрола на маса народ”,  Македонија барала и специјални шок бомби и солзавец.

Извори на Еурактив велат дека некои земји членки се подготвени да и ја испратат оваа опрема на Македонија но некои земји сметаат дека има место за “рестрикции”.