Македонската армија почна да гради втора ограда долж границата со соседна Грција и особено крај кота 59.

На ова место пристигнуваат сите мигранти од соседна Грција.

Македонските војници ja почнаа изградбата на втората жица вчера изутрина. Практично се добиваат две огради со еден мал тунел меѓу нив.

Според Министерство за внатрешни работи од почетокот на годинава од Грција во земјава пристигнале околу 60 000 мигранти.

Во саботата во Идомени недалеку од Гевгелија пристигнаа 69 автобуси со мигранти.

Во следните денови се очекува зголемување на миграцискиот поток кон земјава поради запирање на штрајкот на грчките вработени во морскиот сектор,

Министерот за надворешни работи Никола Попоски соопшти дека неколку земји ни понудиле помош за заштита на македонско-грчката граница.

Унгарија, Чешка, Словачка, Хрватска и Србија се меѓу земјите кои понудиле помош при изградбата на центарот на регистрација.

„Неколку држави изразија желба да испратат чамци, полицајци и опрема“, рече уште Попоски.

„Најважно е дека ги имаме луѓето и опремата, кои можат да ја контролираат границата и да вршат регистрација, каде што луѓето ќе ја преминат легално границата. Македонија веќе ја користи за такви цели својата армија“, истакна Никола Попоски.

Потсетуваме дека во текот на изминатата година од Грција во Македонија пристигнаа над 700 000 мигранти. Сите тие пристигнаа организирано од грчките власти со автобуси и возови до Гевгелија.