Владата донела одлука за нов пристап во гасификацијата на Македонија со проект кој подолго време е подготвуван од страна на експерти од областа и се предвидува да се изгради дистрибутивна мрежа за природен гас која ќе ги опфати сите три региони, посочи владиниот портпарол Александар Ѓорѓиев.

Гасификацијата ќе се реализира реализира преку јавно-приватно партнерство за кое во следниов период ќе биде објавен јавен повик.

- Владата беше посветена на изградба на магистрални гасоводи. Досега е завршен магистралниот гасовод Клечовце-Штип, а започната е изградбата на гасоводот Штип-Неготино. Изградбата на магистралните гасоводи од Неготино до Битола и од Скопје до Гостивар преку Тетово планирано е да започне во периодот што следи, изјави Ѓорѓиев.

Советникот за енергетика Христијан Мицкоски појасни дека  одлучено е за 30 нови постапки меѓу кои периодот на концесија од 20 е зголемен на 30 години, цената за приклучок е намалена од 100 на 80 евра при што остатокот го субвенционира Владата, како и дека опфатени ќе бидат сите општини со што природниот гас ќе биде достапен за сите граѓани.