Седмата последователна порака ги отвори вратите на Македонија кон  преговорите за членство во Европската унија, соопшти предмалку еврокомесарот за преговори и проширување Јоханес Хан.

Меѓутоа, како што очекувавме препораката која ЕУ ни ја додели е условна!.

Брисел бара целосна имплементација на договорот од Пржино и започнување со реформи по препораките на ЕУ.

Во текот на презентирањето на извештајот на балканските земји , еврокомесарот ја потенцирал корупцијата во Македонија и мешањето на политиката во институциите и покрај усогласеноста со европското законодавство.

„Европската комисија предлага преговори со Македонија единствено под услов да се имплементира договорот од јули и итно почнување со реформи од оваа институција, а со ова прашање ќе продолжиме да се занимаваме по парламентарните избори“, истакна еврокомесарот Хан.

Хан потенцираше за постигнатиот политички договор и излезот од политичката криза, меѓутоа порача дека лидерите на партиите мора да бидат насочени кон приоритетите за истите реформи. Тука ја нагласи и  реформата на Охридскиот договор, и реформи за доверба меѓу етничките заедници.

Се' уште трае седницата на Европарламентот.