Од Одборот на директори на „Македонија 2025“ се загрижени поради продолжувањето на политичката криза.

Тие сметаат дека земјата не смее да го губи времето во политички несогласувања, кои се бариера и кочница на економскиот развој. Според нив, сите политички фактори во земјата треба да се фокусираат на создавање работни места, подобрување на јавните услуги и создавање на еднакви можности за сите граѓани.

„Во време на големи предизвици, луѓето треба да делуваат смирено и да бидат воздржани од чинови кои се штетни за благосостојбата на народот. Придобивките на демократијата, транспарентноста и слободата на говорот треба да бидат насочени кон подобрување на земјата во оние области кои заостануваат во споредба со функционалните демократии кои имаат развиени економски системи и пазари“- пишува во соопштението.

Од „Македонија 2025“ сметаат дека кризата штети на процесот на намалување на невработеноста, промовирањето на извозот и привлекувањето на странски инвестиции во Република Македонија.