Постои алтернатива за гасот на Путин. Ова на предавање во Софија го изјави Мајк Помпео, поранешен државен секретар на САД во времето на претседателот Доналд Трамп.

Тој беше поканет да биде предавач на тема „Геополитичкото значење на Бугарија по инвазијата на Украина и потенцијалот на Бугарија како регионален енергетски лидер“.

„Само затоа што не попуштивте под притисокот да го платите гасот во рубли, рускиот претседател Владимир Путин им нареди на картелите да престанат да ве снабдуваат. Одговорот за вашата енергетска независност не е во странство, туку овде, вклучително и преку потенцијалот на гасот од шкрилци“ рече Помпео.

Фракинг технологиите за екстракција на гас од шкрилци се многу почисти од рускиот природен гас. Не дозволувајте неколку лошо информирани активисти кои користат аргументи кои не се засновани на факти да ја уништат вашата иднина, повика Помпео.

Вашата земја е оддалечена 500 километри од војната во Украина, потсети Помпео и нагласи дека Бугарија може да одигра важна улога во нејзиното закрепнување.На секоја земја зависи како ќе се однесува со Русија, рече поранешниот државен секретар.

„Сите народи мора да учат од нашите грешки. Мораме да се спротивставиме на Русија и да продолжиме да ја градиме Украина. Путин покажа дека неговата воена моќ не е толку голема како неговата енергетска моќ. Енергетското прашање е исто така клучно за иднината на Бугарија. Само бидејќи не попуштивте под притисокот да го платите гасот во рубљи, рускиот претседател Владимир Путин нареди да престане снабдувањето за вас. Немате сигурно снабдување со енергија“, рече тој.