Белорускиот претседател Александар Лукашенко го потпиша законот за ратификација на договорот за формирање единствен енергетски пазар со Русија.

Како што објави прес-службата на претседателот на Белорусија, договорот ја воспоставува правната основа за формирање, функционирање и развој на единствениот пазар на електрична енергија.

Белорускиот министер за енергетика Денис Мороз претходно изјави дека создавањето на единствен енергетски пазар ќе ја подобри ефикасноста и сигурноста на снабдувањето со енергија, а исто така ќе ги намали трошоците поврзани со производството и транспортот на електрична енергија во иднина.

Како што наведе тој, подлабоката интеграција на енергетските системи на Белорусија и Русија ќе создаде предуслови за конвергенција на цените на примарните енергетски ресурси.

Ова, додаде тој, „на крајот ќе помогне да се изедначат разликите во тарифите за електрична енергија за потрошувачите во нашите земји“.