Сања Лукаревска, првиот човек на Управата за јавни приходи, во интервјуто за „Фактор“ вели дека владиниот проект за поврат на ДДВ кон граѓаните ќе биде ефикасен и парите ќе ги дибиваат назад на крајот од секоја година.

- Повратот на ДДВ,  е уште една реформа на којашто Управата за јавни приходи, како извршен орган е подготвена позитивно да одговори.  Веќе одреден период се подготвува електронскиот систем преку којшто ќе се овозможи прецизна пресметка и навремен поврат на парите кај граѓаните.  Оваа реформа е од исклучително значење поради повеќе аспекти. Граѓаните на крајот на годината ќе добијат дел од парите коишто ги трошеле во текот на годината, но истовремено и ќе станат партнери на Управата за јавни приходи во контролите за спроведувањето на даночна дисциплина, посебно кај тие кои сега ја избегнуваат. Убедена сум дека на овој начин ќе се зголеми и издавањето на фискални сметки. Граѓаните ќе пазарат таму кадешто ќе им издаваат фискални сметки , а пак таму кадешто нема да им биде издадена, ќе инсистираат да добијат фискална сметка за производот што го купиле - вели Лукаревска.

Во целосното интервју за „Фактор“ директорката на УЈП додава дека на крајот граѓаните ќе бидат тие кои ќе го прават најголемиот притисок фирмите да работат законски.