Шефот на Клиниката за инфективни болести на Клиничкиот болнички центар во Сплит, д-р Иво Ивиќ, вели дека е постигнат рекорд по бројот на лица на респиратор во болницата со која раководи.

-Уште пред појавата на омикрон, видовме дека имаме континуирано голем број на пациенти, што значеше дека и кај половина од вакцинираните жители не се придржувавме до никакви мерки, вели д-р Ивиќ.

Нагласува дека болеста слободно се шири, а според него посебно загрижувачки е фактот што малку луѓе се вакцинирани.

-Луѓето се однесуваат самоубиствено, како да нема да се заразат, а сите ќе се заразиме и тоа повеќе од еднаш. Единствената разлика меѓу нас е кој е вакциниран, а кој не е. Оној што е вакциниран може да смета на блага болест, а оние кои не се вакцинирани се потенцијални кандидати за умирање. Претежно хоспитализираме постари лица, постари од 70 години, а ги има и оние кои се околу 50-тите, вели д-р Ивиќ.

Ова е последица на празничниот период, сега практично го „конзумираме“ Божик и сметам дека ќе продолжиме да го правиме тоа и во наредните недели, изјави тој за хрватските медиуми.