Горивата во Македонија по полноќ ќе имаат нови и повисоки цени од досегашните. 

Согласно последната одлука на Регулаторната комисија за енергетика, цените на бензините и дизелот се зголемуваат за 1,50 денари по литар. 

- Малопродажните цени на бензините Еуросупер БС-95 и Еуросупер БС-98, како и на Еуродизел (Д-Е V) и на Екстра лесното масло за домаќинство на (ЕЛ-1) од полноќ се зголемуваат за 1,50 денари по литар - соопшти Регулаторната комисија за енергетика.

По полноќ новите цени ќе бидат: 

- Еуросупер БС - 95 ќе чини 75,50 денари

- Еуросупер БС - 98 ќе се продава за 77,50 денари за литар

- Еуродизел БС (Д-Е V) за 71,50

- Екстра лесното 1 (ЕЛ-1) за 71,00 денар за литар.

Малопродажната цена на Мазутот М-1 НС се зголемува за 1,063 денари и еден килограм ќе чини 40,472 денари.