Министерот за здравство изјави дека воведувањето пропусници за Ковид е клучно за зголемување на бројот на вакцинирани во Србија и дека рокот во кој тие пропусници ќе бидат задолжителни може да се продолжува.

„Сакаме граѓаните да имаат безбедност, не сакаме граѓаните да бидат заложници, особено граѓаните кои се придржувале на се, кои се вакцинирани, да се плашат да одат во ресторани и кина и да знаат кога одат таму дека е безбедна зона, каде луѓето биле или вакцинирани или тестирани“, рече Лончар.

Тој посочи дека државата сака да ја прифати новата нормалност, да им овозможи на луѓето да живеат и да излегуваат.

Како што сега стојат работите, нашата нова нормалност ќе биде таква што ќе мора да се вакцинираме на секои пет или шест месеци, во зависност од видот на вакцината, вели министерот за здравство Златибор Лончар.

Тој посочи дека вакцината е најдобриот начин за заштита од коронавирусот, но и единствениот начин се да се држи „под контрола“.