Одличните услови кои лизгалиштето во состав на СЦ „Борис Трајковски” ги нуди, се доволна мотивација за повеќе од стотина деца и млади луѓе кои, неколкупати неделно, тренираат хокеј или уметничко лизгање. Со доаѓањето на зимата и ниските температури, лизгалиштето е отворено и за сите заинтересирани граѓани за рекреативно лизгање, што одличната подлога од мраз, го прави исклучително забавно искуство. Во текот на неделата, термините за рекреативно лизгање сè до 23:00 часот, а во викендите игралиштето е отворено до полноќ. Како содржина која е дел од Спортскиот Центар „Борис Трајковски” лизгалиштето нуди одличните услови кои се доволна мотивација за повеќе од стотина деца и млади луѓе кои, неколкупати неделно, тренираат хокеј или уметничко лизгање. Лизгалиштето во состав на СЦ „Борис Трајковски” започна со работа на 18-ти ноември, и ќе биде отворено сè до 15-ти април. Понудата, покрај часови наменети за рекреативно лизгање, вклучува и можност за упис на специјализираните часови по хокеј водени од рускиот стратег Димитри Прокудин, како и изучување на тајните на уметничкото лизгање со Ксенија Јестшењски. Голем број граѓани, во изминатиот месец ја посетија зимската гордост на СЦ Борис Трајковски, притоа нагласувајќи ги одличните услови кои оваа содржина ги нуди за лизгање, и пред сè, забава. Термините за специјализираните часови по хокеј и уметничко лизгање, можете да ги пронајдете на www.salaboristrajkovski.gov.mk