Регулаторната комисија за енергетика и водни услуги (РКЕ) донесе одлука со која се врши зголемување на малопродажните цени на нафтените деривати во просек за 2,84 отсто, соопшти РКЕ. 

Малопродажните цени на бензините ЕУРОСУПЕР БС-95 и ЕУРОСУПЕР БС-98,  ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) се зголемуваат за 2,00 денари/литар.

Малопродажната цена на Мазутот М-1 НС се зголемува за 1,386 денар/килограми сега ќе изнесува 44,213 ден/кг.

Од 25.1.2022 година од 00:01 часот максималните цени на  нафтените деривати ќе изнесуваат:

Моторен бензин  ЕУРОСУПЕР БС - 95        78,50  (денари/литар)

Моторен бензин  ЕУРОСУПЕР БС -98          80,50  (денари/литар)

Дизел гориво  ЕУРОДИЗЕЛ БС (Д-Е V)        71,00  (денари/литар)

Масло за горење  Екстра лесно 1 (ЕЛ-1)      71,00  (денари/литар)

Мазут М-1 НС                                               44,213  (денари/килограм)

Во изминатиот седумдневен период сите референтните цени на светските берзи во просек бележат зголемување: кај бензинот за 4,856 отсто, кај дизелотза 4,802 отсто, кај екстра лесното масло за 4,821 отсто и кај мазутот за 4,320 отсто.

Во истиот период курсот на денарот во однос на доларот е понизок за 0,205 отсто.

„Напоменуваме дека ова се максималните цени на нафтените деривати од 00:01 часот на 25.1.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени“, велат од РКЕ.