САД ја предадоа титулата најконкурентна светска економија на кинескиот Хонгконг, според извештајот на Светскиот центар за конкурентност.

Хингконг, според ранг листата објавена нас сајтот на тој центар, се искачи од минатогодишното второ на прво место оваа година, Швајцарија напредувала од четвртото на второ место, додека САД паднаа на позицијата број три.

Сингапур, Шведска, Данска, Ирска, Холандија, Норвешка и Канада го заокружуваат тимот од 10 водечки најконкурентни земји во светот.

На листата на која се рангирани 61 држава, се наоѓаат само две земји од просторите на бивша Југославија, и тоа Словенија, која се искачи од 49 на 43 место, и Хрватска, која остана на истата, минатогодишна 58 позицја.

Од земјите во регионот, Унгарија котира на 46 место, Романија на 49, а Бугарија на 50 место. Интересно дека Русија напредувала за едно место на 44 позиција, додека Грција паднала за шест позиции на 56 место.

Сентарот за конкурентност, истражувачката група внатре во ИМД бизнис школите, секоја година од 1989 објавува ранг листа која е широко признаена како водечка годишна оценка на конкурентноста на земјите,

Директорот на центарот Артуро Брис вели дека доследната посветеност на унапредувањето на бизнис амбиентот била клучна за скок на Хонгконг на чело на листата како и дека малата големина на Швајцарија и нејзината преданост на квалитет и овозможува на таа земја брзо реагирање со што ја одржува својата економија на врв.

„САД и понатаму имаат најдобри економски резултати во светот, но постојат многу други фактори кои се земаат предвид при оценка на конкурентноста“, рекол тој.

„Заедничкиот образец меѓу сите земји во првите 20 е нивен фокус на регулативата која е пријателски за соработка, физички и материјална инфраструктура и инклузивни институции“, додал Брис.

Секое рангирање се заснова на анализа на повеќе од 340 критериуми кои се изведени од четири основни фактори: економска успешност, ефикасност на владата, бизнис влијание и инфраструктура.