Ликот на папата Франциск од март повеќе нема да биде на монетите на еврото на државата Ватикан.

Ликот ќе го замени неговиот грб и 12 ѕвездички на Европската унија пишуваат италијанските медиуми.

Новиот изглед на предната страна на 8 монети во вредност од еден цент до две евра, е објавен во службената листа на Европската унија на 24 јануари и повеќе го нема ликот на Папата од Аргентина. Задната страна е иста како на сите монети во еврозоната.

Папата Франциск кој често го нарекуваат „Папата на сиромашните“ редовно ја критикува негативната моќ на парите. Ватиканското евро кое е во оптек во сите земји на еврозоната, поради својата реткост воглавно е повлечено од оптек и се препродава на пазарот на колекционери.

Со договорите кои се на сила помеѓу ЕУ и Италија-која изработува монети за Ватикан, е утврдена годишна квота пари за Ватикан.