Првиот човек на Демократската унија за интеграција (ДУИ), Али Ахмети, ја поздрави историската посета  на Косово од страна на големиот пријател на албанската нација и целиот регион, американскиот потпретседател Џо Бајден, се вели во соопштението од ДУИ. „Улогата на САД за мирот, безбедноста и стабилноста во регионот е незаменлива и многу ценета, а придонесот на Бајден во сите овие напори е невообичаен“, стои во соопштението на ДУИ. „Ние сме благодарни за придонесот на САД и посветени сме без ниту една резерва кон остварувањето на нашата заедничка цел, демократско општество и целосна интеграција на регионот во НАТО и Европската унија“, порачуваат од ДУИ.