Средбата меѓу лидерите на главните политички партии и денеска заврши без договор, како што се очекуваше.

На неа присуствуваа премиерот Никола Груевски, како и лидерите на СДСМ, Зоран Заев, на ДУИ Али Ахмети и на ДПА, Мендух Тачи, заедно со амбасадорите на ЕУ и САД Аиво Орав и Џес Бејли.

По завршувањето ниту еден од македонските политички лидери не сакаше да зборува со новинарите.

Единствено лидерот на опозициската СДСМ Зоран Заев соопшти дека четворицата "се договоривме да оставиме уште малку време од неколку дена".

Се очекува во најскоро време партиите да испратат порака до медиумите за текот на разговорите.

Пред почетокот на средбата стана јасно дека земјите останале на својата позиција - опозицијата сака Никола Груевски да се повлече од премиерската функција најдоцна шест месеци пред изборите, а власта инсистира Груевски да остане на чело на преодната влада.

На средбата не присуствуваше еврокомесарот Јоханес Хан. Ова е уште еден сигнал дека земјите не постигнаа договор, бидејќи пораката од Брисел е дека Хан ќе дојде само ако постои шанса за договор.