На политичката сцена во Македонија се формира нова партија, Левица, зад која стојат членови на левичарските движења „Ленка“ и „Солидарност“.

Од партијата информираат дека собрани се 10 000 потписи за нејзина регистрација, за која ќе се одржи прес конференција пред Основниот суд 2 по повод поднесувањето на документите.

„Досегашните политички партии намерно го направија тежок процесот на регистрирање нова партија со цел да спречат загрозување на своите позиции на моќ. Процесот особено е замислен да го отежни или оневозможи регистрирањето на нова партија за оние зад кои не стојат финансиски „спонзори“ од ваков или таков тип. Но, Иницијативниот одбор на Левица успеа! И покрај сите финансиски и административни бариери успеа да ги собере потребните 1.000 потписи и да ги комплетира сите документи потребни за регистрација.” – се вели во соопштението на Левица.

Партијата ќе се залага за работнички права и за социјална правда, за демократизација на сите сфери на живеењето и ќе се бори против меѓуетничките бариери и национализмот.