И покрај кризата Грција останува една од најскапите туристички дестинации во екот на сезоната, соопштува весникот „Les Echos“.

Според сајтот „HomeToGo.fr“ кој ги споредува понудите за сместување во туристичките места, земјите од Јужна Европа остануваат поскапи од источните соседи.

Врз основа на речиси 1 милион понуди од 26 европски држави сајтот ја проценува Грција како најскапа за летен одмор. За една недела на 4-члена фамилија им требаат 910 евра за сместување, покажуваат податоците.

Специјалистите објаснуваат дека високите цени не се изненадување, бидејќи Грција отсекогаш била скапа дестинација во екот на туристичката сезона. Ова се должи и на видот на понудените за сместување, кои се претежно луксузни вили. Експертите нагласуваат дека понудите за мали станови во Грција се малубројни.