Лекарите  денеска во 12.05 часот излегоа на штрајк пред Владата, за да го изразат своето незадоволство од игнорантскиот однос на министерот за здравство Никола Тодоров, како и да побараат корекција на платите и укинување на системот плата по учинок. Тие ги повикаа и сите граѓани и здруженија кои сакаат да им се придружат и да им дадат комплетна поддршка за нивните права. иако штрајкуваат речиси еден месец, засега не се примени на разговор кај ресорниот министер, поради што барања за прием и објаснување на проблемите упатија до целиот државен врв. Со денешниот протест сакаат да покажат дека нема да им подлегнат на притисоците, а како што велат, не се откажуваат од протестот се до конечно постигнување договор.