Лажна тревога го испразни турскиот Парламент
Зградата на турскиот Парламент е евакуирана бидејќи се прошири информација дека се подготвува напад на објектот, јавуваат локалните медиуми.
Парламентот е затворен, а главните порти на објектот се заклучени. Пред зградата беше и противпожарна екипа. Безбедноста во зградата на Парламентот е зголемена по обидот за државен удар во петокот.
„Закани за напад на парламентот. Изворот е непознат, но вработените и парламентарците ја напуштија зградата“ – напиша на Твитер, Зија Пир од прокурдската Народна демократска партија.
Турските медиуми подоцна објавија дека тревогата за напад била лажна, а полицијата во моментов го истражува инцидентот.
Слично
Поврзани вести
