Рускиот министер за надворешни работи Сергеј Лавров е убеден дека случувањата во Македонија се факт поради намерата на македонскиот премиер Никола Груевски да не ги почитува европските санкции против Русија. Македонија сепак преговара за влез во ЕУ и Брисел недвосмислено покажува дека Унијата и оние кои сакаат да влезат во неа треба да се обединети во однос на Русија. Тие го „користат албанскиот фактор“, изјавил Лавров за случувањата во Македонија.

„Настаните во Македонија се грубо контролирани однадвор. Официјално Груевски е обвинуван дека не си ги извршува обврските кон општеството и дека ја злоупотребува власта, но зад ова тврдење се крие одбивањето на македонската влада да ги поддржи санкциите на ЕУ против Русија и поради „Јужен поток“, како и подготвеноста на Скопје да учествува во „Турски поток“.

Тоа е многу тажно и опасно, бидејќи се прави обид да се активира албанскиот фактор. Пред извесно време, т.е. во 2001 година беше потпишан Охридскиот договор, кој имаше сериозни контроверзии. Сега се покренува темата, дека Македонија треба да се федерализира и дури се изразила идејата за територијална поделба, да се подели земјата на Албанија и Бугарија“, изјавил Лавров.

Случувањата во Македонија може да се претворат во сериозен конфликт. Такво мислење изразил постојаниот претставник на Руската Федерација во ОБСЕ Андреј Кели, пренесоа агенциите.

Кели прецизирал дека ОБСЕ ќе понуди голем број на иницијативи за нормализирање на ситуацијата во Македонија.

„Со оглед на недостатокот на напредок меѓу главните политички партии во Македонија, не се гледа кога ќе дојде крајот на кризата и се плашиме дека кризата може да се претвори во сериозен конфликт“, изјавил Кели.

Според рускиот политичар улогата на ОБСЕ е да се задржи политичкиот дијалог во Македонија.

Реакцијата на Бугарија

Надворешниот министер Даниел Митов ги оцени зборовите на Лавров за крајно неодговорни.

„Обидите да го стави под сомнение европскиот поредок во регионот и територијалниот интегритет на Република Македонија се прифатливи. Стабилноста на сите земји од Југоисточна Европа е од огромно значење за нас и обидите на надворешните фактори за регионот на земјите за нејзиното поткопување преку слични сугестии треба да бидат прекинати. Бугарија ќе продолжи да биде гарант за независноста и територијалниот интегритет на Република Македонија и во тоа не може да има никакво сомневање“, изјавил Митов во официјално обраќање.