Кувајт, член на ОПЕК, ќе вложи околу 100 милијарди долари во нафтени проекти во цел модернизација на најважниот економски сектор во наредните пет години.

„Веќе покренавме имплементација на стратегијата за 2030, а вкупната потрошувачка во наредните години се проценува на 100 милијарди долари“, изјавил министерот за енергетика на Кувајт, Али ал Омар во Кувајт.

Ал- Омар додал дека сретствата ќе бидат вложени во бројни проекти во врска со производството, преработката и транспортот на нафта. Кувајт планира да го зголеми производството на нафта од 3,2 на четири милиони барели дневно до 2020 и да го задржи тоа ниво до 2030 година.

Приходите на нафтениот сектор  сочинуваат околу 94 одсто од вкупните јавни приходи на Кувајт. До крајот на 2015, е планиран раст на производството на нафта на 3,5 милиони барели дневно, изјавил извршниот диектор на државниот нафртен конгломерат Кувајт петролеум корп Низар ал -Адасани.

Кувајт минатата година лансирал два големи проекти: еколошко прилагодување на две од три рафинерии вредно 12 милијарди долари и проект на производство на тешка нафта вреден 4,2 милијарди долари.