Австриската компанија за производство на луксузно изработени кристали ќе отвори ново седиште за производство во Суботица, Србија, а истовремено ќе инвестира и во австриската провинција Тирол. Претстедателот на Стопанската Комора на Србија Марко Чадеж изјави дека австриската компанија подолго време барала нова локација за производство на своите кристали, и дека Србија на почетокот воопшто не била на листата на потенцијални локации. Според него, ова е особено важна вест бидејќи не само што во земјата ќе инвестира голем австриски производител, туку и дека ова ќе ја направи Србија попривлечна локација за останатите светски инвеститори. Инаку, досегашните фабрички погони во Чешка и Кина ќе се затворат, со тоа што од чешкиот погон 75 лица ќе ја загубат својата работа, а во Кина ќе ја загубат 200.   Љ.Н.