Криминологот Радивојевиќ посочува дека е сигурен дека семејството Ѓокиќ го убиле најмалку две лица.

Интензивно се трага по убиецот на тричленото семејство Ѓокиќ од Алексинац, властите сѐ уште собираат докази, сослушани се десетина лица, сите поминале полиграф, а сѐ уште нема трага или глас од сторителот.

Мистеријата за исчезнувањето на Ѓокиќ продолжи преку мистеријата за пронаоѓање на убиецот, и одговорот на прашањето: „Кој го уби семејството Ѓокиќ?“,одговор чека цела Србија. Криминологот Добривој Радовановиќ вели дека е речиси сигурен дека убиството го извршиле најмалку две лица, како и дека убијците сигурно влегле во автомобилот на ова семејство. 

Да потсетиме, овој случај уште од самиот почеток беше обвиен со превез на контроверзии, низ кој како мотив течат пари, потоа се наведува дека Ѓокиќи најверојатно го знаеле својот убиец, и дека потенцијалниот убиец избегал од Србија, потоа тоа дека Горан гледал како ќерка му Лидија ја убиваат а и неговата сопруга Гордана, така што дури после тоа му е пресудено. Досега е познато дека била пронајдена чаура, дека нивните тела и автомобилот „Фолксваген Пасат“ биле запалени, таткото Горан беше застрелан со еден куршум, сопругата Гордан со два (во градите и главата) и ќерката Лидија со најмалку еден во главата. Исто така, сѐ покажува дека убиецот, откако ги запалил, ги преместил нивните тела во јама и фрлил гранки, ѓубре и лисја над нив.

Две теории за брутално убиство

„Постојат две можности, што е поверојатно, не сум сигурен“, истакнува Добривоје Радовановиќ и продолжува:

„Првото е дека ова е навистина дело на професионалци кои внимателно го следеле движењето, така што точно знаеле каде одат Ѓокиќ тој кобен ден. Чекале да ја напуштат семејната куќа на нивните родители и ги киднапирале на соодветно место . Потоа ги убиле и им ги запалиле телата на една страна а автомобилот на друга страна. Исто така, тврдам дека имало најмалку двајца од нив. Нема грешка“, додаде тој.

Радовановиќ наведува дека втората можност е дека Ѓокиќ бил убиен од луѓе кои добро ги познавале.

„Друга можност е дека станува збор за луѓе кои Горан ги познавал, па застанал и ги примил во автомобилот, двајцата. Некој морал да му помогне да ги дислоцира телата, тој не можел сам. Така, оној што ги киднапирал, бил на погодно место кога Ѓокиќ го запрел автомобилот. Повторно, можеби некој насилно влетал и ги натералда одат во спротивна насока. Многу е можно да застанал затоа што раскрсницата е непрегледна и така сето тоа се случило. Исто така, не ја исклучувам теоријата дека некој се претворил во полицаец и ги запрел “, наведува Добривоје.

Семејството Ѓокиќ - Горан, Гордана и Лидија, беа киднапирани и брутално убиени во неделата нешто по полноќ. Два дена подоцна, нивните роднини забележале дека ги нема, дека телефоните им се недостапни и дека нивната семејна менувачница е затворена и станот е заклучен, па нивното исчезнување го пријавиле во полиција. Во вторникот, полицијата започна обемна потрага по исчезнатото семејство, која траеше до саботата наутро, кога најпрво беше пронајден нивниот запален автомобил во реонот на селото Тешица, а потоа, десет километри подалеку, на непристапен терен и област на селото Моравац, каде што нивните изгорени тела беа пронајдени.

Резултатите од обдукцијата покажаа дека Ѓокиќ биле убиени со истрели од огнено оружје и дека нивните тела потоа биле изгорени во обид да се уништат сите докази. Истрагата за ова злосторство без преседан во Србија е во тек.

Извор: мондо.рс

Фото: printscreen youtube BN TV Info