Грчкиот министер за надворешни работи, Никос Коѕиас упати остри критики на македонска адреса за третманот кон бегалците.

Тој вели дека Македонија употребила несоодветни средства во справувањето со бегалците и повеќе пати го прекршила меѓународното право.

„Одговорност сносат и земјите-членки на ЕУ, кои, и покрај нивното присуство во Македонија, не го спречија таквото однесување. Оние кои мислат дека ќе престанеме со преземање иницијативи и остварување на проактивна надворешна политика, се будали. Оние кои не можат да ги поднесат тешкотиите на надворешната политика и ја губат својата сталоженост, треба подобро да се погледнат себе си“ - вели Коѕиас.

Објаснува дека на 14 април се одржа првиот трилатерален состанок за прашањето на бегалците со Албанија и Италија. На 21 и 22 април  Солун ќе биде домаќин на состанок за прекугранична соработка со министрите за надворешни и за внатрешни работи на Бугарија, Македонија и Албанија.