Премиерот Димитар Ковачевски денеска на закројувањето на лозјата пред медиумите објави дека во Владата се креира финансиски пакет за еднократна помош за пензионерите за пост-ковид закрепнување.

- Работиме на пакет-помош за пензионерите, финансиска помош на основа на анализи за полесно справување со енергетската криза, рече Ковачевски како одговор на новинарско прашање.

Предлогот на пратеничката група на ВМРО-ДПМНЕ која веќе ги поднесе законските измени во парламентот за зголемување на пензиите за 20 отосто, премиерот го нарече паушален.

- Предлогот е паушален, даден само ВМРО-ДПМНЕ да покаже дека учествува во процесот, но не се базира на методологија. Ние работиме на одржливо и долгорочно решение, изјави Ковачевски.

Тој претходно рече дека власта започнала со анализи за дополнително покачување и дека наскоро може да се очекува зголемување на пензиите.