Долг од седум милиони евра кон ЕВН може да го остави Клиничкиот ценртар без струја. Скопските клиники три години не ги плаќале сметките, а не може да ги заштити од исклучување ниту Регулаторната комисија за енергетика, затоа што тие немаат ниту гаранција. Тоа значи дека комплексот не е иззмен од исклучување иако е клучна инфраструктура.

Премиерот Димитар Ковачевски денеска, кажа дека обврска на државата и на Министерството за финансии е да обезбеди средства за непречено функционирање на Клиничкиот центар.

„Мора да бидеме свесни дека Министерството за здравство помина низ еден долг процес на борба со коронакризата и тогаш сите граѓани беа згрижени без да има какво било нарушување на процесот на пружање на такви услуги. Сите ресорни министри кажаа дека е обврска на државата да обезбеди здравствени услуги и во оваа сега енергетска криза исто како и образовни услуги што го правиме и преку нудење на електрична енергија по пониски цени од берзанските преку ЕСМ. Исто ќе направиме и со финансиски средства и за фирми како ЕСМ, како и за други витални функции на државата“, одговори премиерот по отворањето на Првиот национален саем за храна и пијалаци во Градскиот парк во Скопје.