Косовската полиција денеска уапси неколку лица на северот. 

На четворица млади момчиња кои денеска беа приведени во Северна Митровица поради „напад на службено лице“ им е одредена мерка притвор.

Се додава дека младите полнолетни момчиња се приведени откако навредувале и нападнале двајца полицајци, од кои едниот бил повреден, а потоа се оддалечиле од местото на настанот. Косовските власти велат дека тие биле пијани. 

Лидерот на Српската демократија Александар Арсенијевиќ денеска е уапсен во северниот дел на Косовска Митровица, јавува дописникот на Танјуг. Причината зошто е уапсен не е позната засега. 

Претседателот на Србија, Александар Вучиќ изјави дека во следните 72 часа ќе се обрати на јавноста и јасно ќе ги каже барањата и мерките против нападите врз Србите на северот на Косово.

Printscreen/Instagram/Zubin Potok Info