Опозицијата во Косово собра 150 000 потписи од граѓани кои го поддржуваат барањето на премиерот Иса Мустафа да го повлече својот потпис од преговорите помеѓу Белград и Приштина во Брисел.

Пратениците, исто така, инсистираат да биде поништен и договорот за утврдување на границите на земјата со Црна Гора.

Според организаторите на петицијата таа ќе биде испратена до парламентот, до локалните власти, до Брисел и до Вашингтон, а ако нивните барања не бидат исполнети ќе започнат протести.

Премиерот на земјата од своја страна изјавил дека не ги прифаќа барањата и нема да го повлече својот потпис од Бриселскиот договор. Американскиот амбасадор во Приштина изјавил дека САД ги поддржуваат документите потпишани во Брисел, вклучувајќи го и договорот за формирање на заедница на српските општини.