Во Косово почна производството на четири различни видови беспилотни летала, вклучувајќи модели наменети за одбранбени задачи, потврди косовскиот производител Ридван Алиу. Станува збор за проект што вклучува помали FPV дронови, но и поголеми авиони во развој, со планирано тестирање и надвор од територијата на Косово - на море.

Според производителот, производството прво започнало со помали FPV дронови, додека технолошки посложените модели се во фаза на развој. Меѓу нив е дрон со распон на крилјата од пет метри, како и поголем авион со распон на крилјата до 14 метри.

Моделот со распон на крилјата од пет метри, наречен „Витол“, моментално има оперативен дострел до 20 километри, но тестовите се планирани на значително поголеми растојанија, потенцијално до 1.000 километри. Поради ограничените услови за вакви испитувања во Косово, тестовите, како што е најавено, ќе се одвиваат на море. Овој модел може да носи товар до 50 килограми, пренесува бизнисинфо.ба.

foto Mitrovica Today