Оваа недела Европската комисија се очекува да препорача визна либерализација за граѓаните на Косово за Шенген зоната.

Со ова граѓаните на Косово ќе можат да патуваат без визи како и граѓаните на Грузија, Украина и Турција, пишува „Фајненшл тајмс".

Косово започна преговори со Брисел за визите во јануари 2012 година и е единствената земја од Западен Балкан која не го ужива ова право.

Комисијата ја критикуваше земјата за мал напредок во борбата против корупцијата и нелегалната миграција.

„Повеќе од 40% од возрасните се без работа", стоеше во извештајот на УНДП од 2012 година, што ја  покажува зависноста од дознаките од странство и стравувањата на граѓаните во земјите на ЕУ од миграција.