Косово ќе има минималец од 400 евра?
Приватниот сектор од Косово бара минимална плата од 400 евра.
Независниот синдикат на приватниот сектор на Косово (СПСПК) изрази незадоволство од нацрт-законот што денеска го усвои владата на Албин Курти, со кој се предвидува месечната минимална плата во државата да биде 250 евра, и останува на барањето таа да биде 400 евра, јави дописникот на МИА од Приштина.
Претседателот на синдикатот на приватниците, Јусуф Аземи изјави дека една од главните причини за таквото барање е недостигот на работна сила.
Вели дека минималната плата ја предлага Економско-социјалниот совет на Владата, а Владата го праќа во Собрание. Додава дека Советот не е прашан воопшто и во Владата законот е испратен на незаконски начин. За споредба, во Македонија месецов работниците земаа покачен минималец од 300 евра.
Слично
Поврзани вести
