Фирмата Актор која треба да гради четири делници од источниот крак, напуштила градилиште, а сметката година дена им е блокирана за 10 милиони евра, се наведува во извештајот на Министерството за градежништво, сообраќај и инфраструктура, пишува српскиот портал Политика. 

Грчки Актор нема работна сила, нема механизација и нема средства за градење на кракот кон Бугарија, а сметката година дена им е блокирана, стои во извештајот за градба на патот Ниш-Димитровград кој го направи работна група во декември од ресорното министерство. 

Тоа е закана дека коридорот 10 нема да биде завршен до крајот на годината, како што беше најавувано. 

Работната група која го составила документот смета дека претпријатијето Коридори Србија е виновно затоа што не ја следело динамиката на работа и  не казнувало непочитување на договорот. 

Тие направиле повеќе трошоци, но не казнувале за непочитување на договорот. 

На Грците им уплаќале пари без одобрување од банка, а тие останале должни на добавувачите, не ја завршиле работата, ја напуштиле градбата и материјалот пропаѓа. 

Овој документ во Чачак на новинарите го поделил Велимир Илиќ, лидер на Нова Србија и поранешен министер за инфраструктура. 

Тој рече дека по формирање на Владата во рок од седум дена требал да биде директор на Коридор Србија. и тоа е причината поради која ќе излезе од владата. 

Од министерството не ги коментираат овие детали и не сакаат да кажат како неовластени лица ги добиле овие документи. 

Исплатени се 23.3 милиони евра за дополнителни аванси, за ослободување на гарантни депозити се платени 440 милиони динари и за отштета 1.1 милијарда динари. 

Актор повлекувал пари, а работите не напредувале како што треба. 

Оваа грчка фирма гради вкупно 48,7 км пат. 

Оптимизам имаше за завршување на обиколницата Димитровград. За 6 години се изградени 7 км. Прво работите се доделени на австриската фирма Алпини, но таа банкнотирала, како и бугарската Трејс група. Грците во мај лани ја почнаа обиколницата, а требаше да биде готова во март оваа година.