Заврши координацијата кај Трајко Вељановски без договор меѓу ВМРО ДПМНЕ и СДСМ.  Нова координација е закажана за во среда. Вељановски дал предлог Закондавно правната комисија да почне со работа, но само за амандманите што се минати на Комисијата за финансирање и буџет, а не за сите како што беше првичниот обид на власта.  На ваквиот предлог опозицијата се спротивстави со став дека власта од минута во минута ги менува одлуките и затоа не може да ѝ верува дека навистина ќе расправа само за амандманите што се поминати на матичната комисија. Во меѓувреме почна со работа Комисијата за финансирање и буџет каде се расправа за амандманите на предлог Буџетот што се поднесени од опозицијата.