Деведесет проценти од компаниите очекуваат негативно влијание врз бизнисот, со зголемување на цените на енергенсите и прекини во снабдувањето.

Околу 90 проценти од германските компании од производствениот сектор очекуваат дека конфликтот во Иран ќе има негативно влијание врз нивното работење, според новиот извештај на Институтот за економски истражувања (Ifo) од Минхен.

„Конфликтот директно влијае на производството, но пред сè создава голема неизвесност, така што многу компании се подготвуваат за дополнителни проблеми во наредните месеци“, коментираше раководителот на истражувањата на Ifo, Клаус Волрабе.

Повеќето од анкетираните компании, 78 проценти, го наведуваат порастот на цените на енергенсите како главна причина за негативното влијание, приближно 36 проценти ги посочуваат ограничените транспортни правци и проблемите во снабдувањето со суровини и полуготови производи, додека 16 проценти се плашат од прекини во воздушниот транспорт.