Втор ден по ред Србија има екстремно висок број на заразени со коронавирусот. 

Ако не се подобри епидемиолошката состојба, можно е да има заклучување. Епидемиологот и член на кризниот штаб, Предраг Кон, вели дека постојат две можности за земјата: или нешто ќе се направи или на Србија ѝ се заканува ново затворање. Тој кажа дека медицинскиот дел на кризниот штаб се залага за воведување ковид-сертификати за кои сметаат дека се најрационалното решение.

За 24 часа, во Србија се регистрирани 8.171 заразени со коронавирусот и 45 починати, што е повторно голем број заразени на дневно ниво. Србија вчера имаше рекорден број од 8.467 заболени. Овие два дена земјата урива рекорди.