Сон или реалност. Се најавува целосно автопатско поврзување од Скопје до Охрид. Министерот за транспорт Мисајловски од трибина во Струга најави дека идната година ќе стартува изградбата на делницата Гостивар - Кичево. Изградбата на автопатите долго време не беше во фокусот на Владата, а прв пат премиерот ги спомена на почетокот на 2013 та година, од кога почна и изградба на неколку делници низ Македонија. Автопатите се градат со кинески кредити вредни над 500 милиони евра, со рок на отплата од 20 години, пет години грејс период и каматна стапка од 2 процентни поени. Мисајловски нагласи дека над една милијарда евра се инвестирани во патната инфрастуктура на територија на целата земја. Автопатот на делница Скопје – Свети николе – Штип чини 206 милиони евра,  а автопатот на делницата Кичево-Охрид  е вреден 374 милиони евра.